الى شاعر المحاوره ( العضو المنتدب) مع التقدير....

[حسام السريحي]

الى شاعر المحاوره (العضو المنتدب)
مرحبا يالمنتدب واسمع العلم الجديد=من بيوت بخاطري والسيوف تسلها
اشتكي ضاق الزمن في جروحي مايفيد=مالقيت الطب غير البلا في حلها

[علي المرواني]

صح لسانك ياحسام وبيض الله وجهك
وتقبل مني هذا المردود:

البقا ياصاحبي ياعسى عمرك مديد=الدروب الصايبه كل ابونا ندلها
الجروح هوينه دام لك قلب حديد=لكن الايام لازم تجرب غلها

[حسام السريحي]

صح لسانك وبيض الله وجهك
وتقبل هذا المردود:

يااهل العرف ودي نحدد العلم الاكيد=الحبال معقده ياعساك تحلها
البلا ياصاحبي مرتكز وسط الوريد=علتي مستوطنه والشقا من فعلها

[علي المرواني]

صح لسانك ياحسام وبيض الله وجهك
واستلممممممممممم

آه لو كملت حرفك على انه مايزيد=كان اشوف حبالك المبهمه وافلها
ان طغى جرحك وشفته يزيد الك الوعيد=الحلوق اليابسه ماش شي يبلها

[حسام السريحي]

صح لسانك على المردود الرائع وبيض الله وجهك
وتقبل مني اخر مردود :

مخرجك من دون متن ذاك الحبل الشديد=ترى ما دل من الهرج العفيف بقلها
ناخذ العلم والبعض دون العلم السديد=واللي صبر من قديم الزمان يحلها

اشكرك اخي العضو المنتدب ونلتقي بأذن الله في محاوره اخرى.
لك مني دائما اعذب التحايا والتقدير...